سمراويت 💛!

اخيراً قالها !

قاعدين وسط مجموعة من الاصحاب وفجاة اشتغلت اغنية اخيراً قالها قال أحبك قالها عندنا واحد من اصحابنا ديل قال لينا الاغنية دي كنت بحبها ومن بعد شهر سته ويوم سبعة بالتحديد حبيتها زيادة ولمن الان بحبها كلنا بقينا نشاغل فيهو ونصفر وشغالين ليهو أحكي لينا عن مرتك دي وجيب من جواك .
قفلنا الاغاني وبقت انظارنا كلنا عليهو وفجاة لمن نطق اسمها اتوتر ولمن بدأ يحكي عنها يدو بقت باردة وعيونوا بقت تلمع بطريقة ظاهرة شديد قال لينا حقيقة أنا ما عارف أقول شنو بس أنا ما حسيت بالحب الا معاها وما عرفت يعني شنو حب الا لمن لمن جات وبقت تغني لي الاغنية دي بصوتها وكانت ك إعتراف لي إنها خلاص وافقت بي وبقت تحبني وأنا بقيت سرحان فيها وحسيت نفسي الارض دي ما واسعاني من الفرح!

بقول لينا والله انا اليوم داك افكاري اتجهجهت والنوم طار من عيوني وكنت مبتسم للضرس الاخير وبتكلم كتير أنا لمن اكون مبسوط شديد كلامي بكون كتير لدرجة إنو كل الناس اليوم داك لاحظت لي وبقت تسال فيني والله علي قدر ما أنا تعبت عشان احصل عليها علي قدر ما أنا حالياً مبسوط بطريقة مضاعفة وأنا معاها لانو حاجات كتيرة بقت لي ضي بالرغم من إنو أنا قبلها ارتبطتا بس ابداً ما كنت عارف يعني شنو حب الا بعد ما جات هي أنا ما قادر اوصف ليكم هي قدر شنو مختلفة عنهم كلهم وقدر شنو هي إنسانة عظيمة وفي حقيقة الامر إي زول يسالني بقول ليهو هي تعويض من ربنا بالنسبة لي بالرغم من إنو لينا سنتين مع بعض وحالياً عندنا بت وولد بس لحدي الان أنا برجف وبتوتر لمن يجيبوا سيرتها أو لمن زول يقول لي احكي لينا عنها!

أنا معاها هي بس عرفت إنو كلمة بحبك ما كلمة ساهلة زي ما باين وما كلمة تتقال لي إي زول بل إتعلمت إنو هي مسؤولية قبل ما تكون كلمة مكونه من كم حرف وهي إحساس قبل ما تكون أي حاجة في الدنيا دي معاها عرفت أكون إنسان جديد وملتزم وصادق عرفت يعني شنو إنو الحياة بتهون لمن نكون مع الإنسان الصاح عرفت حاجات كتيرة شديد أنا حقيقة ما قادرة أوصفها ليكم لانها ما بتتوصف وبجد ما عارف أنا بقول في شنو بس حاسي إنو في حاجات في قلبي من شدة ما حلوة لمن ما قادرة اطلعها ليكم اخيراً

- وقعت بحب أغنية سِتَّ البيّت، بمعانيها الدَّافئة، وكلماتها المفعمة بالحنيّة بسببها وبتقول لي بحبك لمن تغنيها فعايز أتصل ليها حالياً وأغنيها ليها ..

الو وين أنت مالك إتاخرتا !؟

=سِتَّ البيّت تَزيل الغُمّة
نور البيت بَلاها ضُلمة

ستَّ البيت بَريدها بَراها
تِرتاح روحِي كُلّ ما أطراها!
سِتَّ البيّت وست قلبي أنا جاي عليك !🧡

#weamalgoosie

www.tg-me.com/ar/سمراويت & 33;/com.Pronunciationofletters/1787

1.0K viewsAug 6, 2021 at 11:34

اخيراً قالها !

قاعدين وسط مجموعة من الاصحاب وفجاة اشتغلت اغنية اخيراً قالها قال أحبك قالها عندنا واحد من اصحابنا ديل قال لينا الاغنية دي كنت بحبها ومن بعد شهر سته ويوم سبعة بالتحديد حبيتها زيادة ولمن الان بحبها كلنا بقينا نشاغل فيهو ونصفر وشغالين ليهو أحكي لينا عن مرتك دي وجيب من جواك .
قفلنا الاغاني وبقت انظارنا كلنا عليهو وفجاة لمن نطق اسمها اتوتر ولمن بدأ يحكي عنها يدو بقت باردة وعيونوا بقت تلمع بطريقة ظاهرة شديد قال لينا حقيقة أنا ما عارف أقول شنو بس أنا ما حسيت بالحب الا معاها وما عرفت يعني شنو حب الا لمن لمن جات وبقت تغني لي الاغنية دي بصوتها وكانت ك إعتراف لي إنها خلاص وافقت بي وبقت تحبني وأنا بقيت سرحان فيها وحسيت نفسي الارض دي ما واسعاني من الفرح!

بقول لينا والله انا اليوم داك افكاري اتجهجهت والنوم طار من عيوني وكنت مبتسم للضرس الاخير وبتكلم كتير أنا لمن اكون مبسوط شديد كلامي بكون كتير لدرجة إنو كل الناس اليوم داك لاحظت لي وبقت تسال فيني والله علي قدر ما أنا تعبت عشان احصل عليها علي قدر ما أنا حالياً مبسوط بطريقة مضاعفة وأنا معاها لانو حاجات كتيرة بقت لي ضي بالرغم من إنو أنا قبلها ارتبطتا بس ابداً ما كنت عارف يعني شنو حب الا بعد ما جات هي أنا ما قادر اوصف ليكم هي قدر شنو مختلفة عنهم كلهم وقدر شنو هي إنسانة عظيمة وفي حقيقة الامر إي زول يسالني بقول ليهو هي تعويض من ربنا بالنسبة لي بالرغم من إنو لينا سنتين مع بعض وحالياً عندنا بت وولد بس لحدي الان أنا برجف وبتوتر لمن يجيبوا سيرتها أو لمن زول يقول لي احكي لينا عنها!

أنا معاها هي بس عرفت إنو كلمة بحبك ما كلمة ساهلة زي ما باين وما كلمة تتقال لي إي زول بل إتعلمت إنو هي مسؤولية قبل ما تكون كلمة مكونه من كم حرف وهي إحساس قبل ما تكون أي حاجة في الدنيا دي معاها عرفت أكون إنسان جديد وملتزم وصادق عرفت يعني شنو إنو الحياة بتهون لمن نكون مع الإنسان الصاح عرفت حاجات كتيرة شديد أنا حقيقة ما قادرة أوصفها ليكم لانها ما بتتوصف وبجد ما عارف أنا بقول في شنو بس حاسي إنو في حاجات في قلبي من شدة ما حلوة لمن ما قادرة اطلعها ليكم اخيراً

- وقعت بحب أغنية سِتَّ البيّت، بمعانيها الدَّافئة، وكلماتها المفعمة بالحنيّة بسببها وبتقول لي بحبك لمن تغنيها فعايز أتصل ليها حالياً وأغنيها ليها ..

الو وين أنت مالك إتاخرتا !؟

=سِتَّ البيّت تَزيل الغُمّة
نور البيت بَلاها ضُلمة

ستَّ البيت بَريدها بَراها
تِرتاح روحِي كُلّ ما أطراها!
سِتَّ البيّت وست قلبي أنا جاي عليك !🧡

#weamalgoosie

BY سمراويت 💛!